De historie van de APK geit inmiddels mièr dan 5 jaor truuk. Naodat Prins Frits I in 1998 waas aafgetraoje en hae same mit Ald Prins Hay II aan d’n tap in De Windmeule zoot, woort ut idee gebaore veur de oprichting van ein APK. Zoeë gezag zoeë gedaon. Ald Prins Hay en Ald Prins Frits hebbe toen heejeuver nog eine kièr einen aovend gebrainstormp en beslaote daen aovend um alle Ald Prinse te benadere lid te waere. Wie alle reaksies binne ware en d’r mièr dan 80% van de Ald Prinse bereid bleek um zich beej dees klup aan te sloète, schreve zeej ein oprichtingsvergadering oèt. Op 11 april 1998 rónd middernach waas de oprichting ein feit en kós Frits Seelen as veurzitter en Hay Lamers as sikkertaris/penningmeister de vaerdere planne gaon oètwerke. D’r meuste statute kómme, me woel per lid maondeliks ein bedraag gaon spare um de aktiviteite te financiere en ut veurneme bestónd ein oprichtingsoeërkonde te make veur alle leeje.

De twieëde vrièdaag van de maond april woort de vaste daag um de jaorvergadering te halde en de twieëde zaoterdaag van oktober woort de vaste daag voor de jaorlikse aktiviteit. Aan de jaorvergadering woort ook nog ein Ald Prinse Gerich toegevoeg. Tièdes dit Ald Prinse Gerich wuurt op ein ludieke wiès ein niej lid toegelaote beej de klup. Ouk de jaorlikse aktiviteit in oktober is idder jaor weer ein happening.

Inkele jaore geleeje is d’r zelfs ein Ald Prinse leed op CD gezatte. Ein oorsprónkelik leed oèt Kölle, Ein Mal Prins zu sein, woort door Hans Jacobs vertaald in ein prachtige Venlose teks en mit óndersteuning van Ald Prins Herman kóste weej, nao mièrdere oefensessies ónder leiding van Wim van Gardingen, ut leed in de studio opneme.

APK  (2009)

Jaorliks op de resepsie van de nieje Prins van V.G. De Törvers, guf de APK acte de présence en euverhandig me de nieje Hoeëgheid de daagvaardiging um in ut jaor van zien aaftraeje veur ut Ald Prinse Gerich te verschiene. Hae kint dao dan verantwoording aaflegge veur zien doon en laote tièdes zien regeerperiode. Hae meug daobeej zelf eine Ald Prins aanwièze als Advocaot. De Rechter en de Offeseer van Justisie waere door ut bestuur aangesteld. Mit z’n dreeje meuge zeej dan nao eige inzich invölling gaeve aan ut Ald Prinse Gerich.

Ouk inmiddels oètgegreujd tot ein tradisie is de Niejaorsverrassing die ut bestuur in de letste waek van idder kalenderjaor bezörg beej alle leeje.

Ald Prins Hay I

   Aktiviteit 2009

Pries Winnaar 2004

          Ald prins Jan

Ald prins Martien

Ald prins Sjeng