Ut waas ut jaor 1985 wie Ald-Prins Jan van Mullekom en zien Adjudante Sjraar Collin en Wielke Hendrickx op ut idee kwame um met z’n alle eine feesaovend te organisere. Zoeë gezag, zoeë gedaon. Mit z’n alle toge zeej nao de Krómme Schuùver, wao eine kaegelaovend woort georganiseerd. In 1986 haet ut nieje Trio det nog ens euvergedaon en waal in De Groethof in Ut Ven. Dit waas de gebaorte van waat me noow de jaorlikse Trio-aovend neump.

Wie geit det in zien werk?

Van ut Trio van ut Vastelaovesjaor wao-in ut oètkump, wuurt verwach det ut eine aovend organiseert veur de res van De Törvers. Meistal wuurt d’r ein thema verbónde aan deze aovend. Ein kleine opsómming van thema’s die al veurbeej kwame: western, Azië, luchvaart, Tirol, roulette, ald-Hollandse spelle, jaore 80, fantasie en gank zoeë maar door. Dit beteikent veur ut Trio einen berg werk boète ut Vastelaovesgebeure um. Det meug aevel de pret neet drökke, waat waal meug blièke oèt ut gegaeve det ut idder jaor weer fantastisch is waat d’r door ut aan de beurt ziende Trio oèt d’n aek wuurt gedreid.

Gehièl in stièl waere de gaste verwach in ein lokasie. Bekans altièd is det De Windmeule. Mit stièl kint geej dinke aan kleierdrach passend beej ut gekaoze thema. D’r mót gezag waere det det haos altièd idderein lök.

Ist das aber schön hier !!!!

Geej kint óg neteurlik waal veurstelle det d’r thoès de nuuëdige verkleidpartieje plaatsvinde en det d’r ouk hièl waat aafgelache wuurt. De zaal wao dit alles zich aafspeult is dan gans umgetoverd, aansloètend  beej ut thema van d’n aovend. Ouk det is idder jaor weer geweldig um te zeen.

danse in de maot 2006

Is idderein einmaol binne en zien alle kreasies bewónderd, dan wuurt d’n aovend geäöpend  door d’n Hoeëgheid, waonao ut fees ech kint beginne. Ein fees waat steeds opniej bol steit van gezelligheid, schaele wazel, lekker aete en drinke.

Tot zoeëvaer ein klein wäördje euver d’n Trio-aovend.

Wae wet, meug geej dit waal eine kièr organisere?!

Haopelik meuge weej nog vuuël van dees feeste meimake!

Ald-Prins Frank I

Wie ut waas, wie ut is en wie ut waere zal 2007

Bayrische feste in 2002

De jaore 80 in 2003 met de Star Breurs (Sisters)

3 van de Four Tops oét de jaore 80

Ouk punkers oét de jaore 80

Halloween in 2004

Italiaanse Aovend 2005

Waer truuk nao ut laeve van alledaag 2008

Eine bonte apré-ski 2010

Disco 2011