Zoeëas beej iddere vereiniging is ouk beej De Törvers nao ein aantal jaore de vergrièzing waat toegeslage. Neet det det erg is (aafgezeen dan veur de grièze luuj zelf), maar ut beteikent toch det van dees minse de inzetmeugelikhede veur ós gezelschap waat gaon aafneme.

Aevel, juus dees aldere leeje hebbe dök ein groeët aantal jaore aktief in de vereiniging meigedreid en zeej hebbe behalve vuuël ervaring ouk ein groeëte emotionele binding mit ós gezelschap.

Daorum is op ein gegaeve moment beslaote de leeje die minstes 11 jaor aktief lid zien en behoefte hebbe um ut waat kalmer aan te doon, op te neme in de  11+ kemissie. Det hilt in det dees leeje alle rechte hebbe die andere leeje ouk hebbe. Dees 11+ leeje hebbe aevel gen verplichting mièr um zitting te neme in de Raod van Elf en hove neet mièr aktief deil te neme aan andere aktiviteite. Zeej meuge det aevel waal en me zuùt dan ouk det inkele leeje van de 11+ kemissie toch nog zitting hebbe in ein van de andere kemissies.

Leeje van dees kemissie:

Geer Camps

Martin van Gerven (veurzitter)

Wim Joosten

Richard Lamberts

Hendrik Meerts

Henk Janssen

Names de 11+ kemissie

Martin van Gerven

Martin van Gerven

veurzitter 11+ kemissie en al mièr dan 33 jaor lid van  VG De Törvers