Hoewaal de Ald Pepeer Kemissie de kleinste kemissie is, de kemissie besteit oèt slechs éin lid, is ut metein waal de belangrièkste kemissie waat inkómste veur ós vereiniging betref, terwiel weej euver de koste neet hove te praote. Sinds jaore zamele weej same zoeë rónd de  dreejhónderddoèzend (300.000) kilo ald pepeer in.

Taegeswaordig dene weej ein aanvraog in beej de gemeinte Venlo veur ein vergunning veur ut inzamele van ald pepeer. Door ut college wuurt goodkeuring verstrek en taeves de route en vergoeding vasgesteld. Daobeej meuge weej dan gebroèk make van perswages. Twieë perswages rieje rónd en mit behölp van ach Törvers (veer achter iddere wage) wuurt de klus geklaord. Weej kómme um nege oor beej de kerk beejein en kière zoeë rónd half twieë muùg maar voldaon weer hoèswaarts. Meistal  is einen Törver dreej kièr per jaor aan de beurt um mei te loupe.

Idder jaor kinne de leeje eur winse beej de kemissie neerlegge, waonao de kemissie ein schema mak. Dit wuurt  ut aan de leeje oètgereik en nao akkoord as definitief vasgesteld.  Ut schema wuurt daonao door de kemissie neet mièr veranderd. Wièziginge kinne plaatsvinde door ónderling te ruile, mit kennisgaeving aan de veurzitter van de Ald Pepeer Kemissie.

Zoeë werk dees kemissie al jaore op ein plezaerige wiès en kinne De Törvers idder jaor ein prachtig program in mekaar zette veur alle bewoeëners van ós wièk en die van dao boète.

Kiék heej veur de ophaol data.

Leeje van dees kemissie:

Geert Meerts (veurzitter)

Bas van Rijn   

Veurzitter Ald Pepeer

Geert Meerts