Miene naam is Bart Daemen, in de vastelaovestied waer ik aangespraoke mit Vors Törvius en bin taeves veurzitter van de prinsekemissie ( PK ).

De PK besteid oét dreej leeje waovan de vors altied zitting haet, de euverige leeje hebbe zes jaor zitting maar traeje noeijts same aaf zoeë is continuïteid gewaarborg en is de PK verzekerd van frisse iedeje.

`t doel van òs kemissie zal idderein duudelik zien, weej zeuke idder jaor ein dreejspan.

In oktober kump de PK beejein um mit wat name die de dreej leeje hebbe, aan de slaag te gaon. Oetintlik zal d`r eine naam euverblieve, de vors benadert deze persoën en vruuëg um of hae hoeëgheid beej de Törvers wilt waere. Deze man krieg ein aantal dage bedinktied, haet hae daonao jao gezag dan geit de PK mit um aan taofel zitte en verterld um wat weej van um verwachte waat `t inheld en waat `t ongeveer geit koste. Dan vraog ik nog eine kieër:” wilste nog altied Prins waere”. Is `t antwoord nog altied jao, dan gaon we same mit de toekomstige Prins de adjudante oëtzeuke daobeej wuurd ongeveer dezelfde procedure gevolg.

De vraog is dök “wao mót eine prins aan voldoon” heejónder volge inkele criteria, hae mót

·      Venloos kinne praote.

·      De vastelaovend hoeëg in `t vaan    hebbe staon.

·      Passe binne ózze gezelschap.

·      Ein gans jaor beschikbaar zien.

    Waat krieg hae dao veur truuk ?

·      Ein onvergaetelik jaor.

·      Ongeveer 80 vrinde en vrindinne.

Al mit al is `t mier as de meujte waert um Prins te zien beej V.G. de Törvers, vraog det maar ens aan de ald Prinse.

Mit vastelaovesgroet;

Bart Daemen 

De prinse kemmissie       besteit oët :

Bart Daemen (veurzitter PK),

Huub de Bruin

Roy Janssen

Ut Prinse kemmissie Logo