Nieje Chef de Protocol stelt zich veur

Miene naam is Rob Aerts en ik heb de zwaore taak um nao 22 jaor Herman Huskes op te volge as Chef de Protocol. Gelökkig heb ik de letste paar jaor mei kinne dreie en haet Herman mich vuuël gelièrd. ‘Baas’ bedank!

Ik bin in 2002 beej De Törvers gekómme. Toen woort mich al snel gelièrd det de Vastelaovend, en zeker de Venlose Vastelaovend, ein prachtig spel is van klatergold waat nog moeëjer wuurt as se ut volges waat regelkes speuls. En det is noow dus ouk mien taak, de regelkes, oftewaal ut protocol,  in de gater halde.

De Chef de Protocol druuëg zörg veur de handhaving van ut protocol tièdes zittinge en resepsies. Hae druuëg zörg veur de begeleiding van ut Trio beej optraejes boèteshoès en beej eige interne aktiviteite.

Hae is de rechterhand van Vors Törvius en verrich in opdrach van de Vors allerlei hand- en spandeenste. Ouk regelt hae, in samenwerking met de joekskemissie, zake die betrekking hebbe op optraejes van artieste tièdes de zittinge.

 Hae deent op de huuëgte te zien van programma’s tièdens eige zittinge. Veur de zittinge guuëf de Chef de Protocol daotoe Vors Törvius en ouk de Sirremoniemeister ut dreibook. De Chef de Protocol wuurt door de leeje gekaoze nao kandidaatstelling door ut bestuur.

Mit vrintelikke groete,

Rob Aerts

Chef De Protocol

Rob Aerts