De Törvers perbere midde in de samelaeving te staon en wille gaer aan jónk en ald de gelaegeheid baeje um same joeks en jen te make. Zeej vinde eine gooje gemeinschapsband zièr belangrièk en wille dao dan ouk gaer eur steinke een beejdrage, in ut bizónder rónd de Vastelaovestièd. Ut meug veur zich spraeke det d’r vuuël mièr persoeëne, vereiniginge en instansies zien die d’r vuuël aan gelaege is ouk inhald te gaeve aan dae gemeinschapsband. D’n eine kièr gebeurt det door naodrökkelik op de veurgrónd te traeje, d’n andere kièr gebeurt det in stilte achter de scherme. Idder duit det zoeë op zien eige wiès.

Mit ut oètreike van de Einmaolige Ónderscheiding wille De Törvers mit innige regelmaot de schienwerpers ens richte op dees bouwers aan gemeinschapszin. Van belang daobeej is det de persoeën, de vereiniging of instansie dae genomineerd wuurt zich gehièl belangeloos inzet veur de gemeinschap wao weej same deil van oèt make. Ouk kint ut zoeë zien det de óntvanger van de Einmaolige Ónderscheiding in ós wièk zienen thoès haet, maar good werk verrich veur minse wièdeweg. De aafgeloupe jaore zien zoeë hièl waat harde werkers mit ut hert op de juuste plaats in ut zunke gezatte.

Moch me ut lieske d’r ens op nao slaon aan wae door d’n tièd haer de Einmaolige Ónderscheiding is oètgereik, dan zuùt me ein aafwisselend gezelschap de revue passere. Waat zeej mit mekaar deile is ut gegaeve det zeej ut hert allemaol op de gooje plaats hebbe zitte. Vanoèt det werm kloppend hert besteit of bestónd beej eur allemaol de bereidheid um de hand oèt de mouwe te staeke en iets euver te hebbe veur d’n ander. Weej zien d’r van euvertuùg det ouk de kómmende jaore dees schoeën ónderscheiding ziene waeg nog zal vinde. Daomei spraeke De Törvers de wins oèt det de verbóndeheid die mit Vastelaovend dök zoeë veulbaar en tasbaar aanwezig is, zich ouk door ut jaor haer meug manifestere in allerlei te waardere initiatieve!    

Euverzich van de einmaolige

1974	Dhr. P. Langeslag	vanwaege de verdeenste binne de perochie
1975	Mw. G. Exterkate	vanwaege inzet beej de Stg. De Zónnebloom
1976	Dhr. J. Lambrechts	vanwaege de verdeenste beej ut H.Hartkoeër
1977	Mw G. van Rens	vanwaege verdeenste as bestuurslid beej
		Stg. De Windmeule
1978	Dhr. G. Exterkate	vanwaege de verdeenste binne de perochie
1979	Dhr. F. Thissen	vanwaege de verdeenste binne de perochie
1980	Mw. M. Vernooy	vanwaege inzet beej de bejaardesoos
1981	Dhr. H. Ebus	vanwaege inzet Scouting Baden Powell
1982	MwDhr J. Nieuwenhuis	vanwaege inzet beej de Stg. De Zónnebloom en Beledoko
1983	Dhr. J. Driessen	vanwaege de verdeenste as organis van de H. Hartkerk.
1984	Dhr. B. Kok	vanwaege zien verdeenste as kerkmeister
		en penningmeister Stg. De Windmeule
1985	Dhr. M. Scherjon	vanwaege eure inzet beej jeugdkoeër Canta Libre
	en dhr. W. Gardingen	en jeug- en jóngerekoeër H.Hartperochie
1986	Mw. D. Cnoops	vanwaege de inzet beej de bejaardesoos
1987	Dhr. E. Haenen	vanwaege d'n inzet as köster van de H.Hartperochie
1988	Dhr. T. Goossens	vanwaege zien inzet veur ut missiewerk H. Hartperochie
1989	Dhr. L. Janssen	vanwaege inzet ashölpköster en zangkoeër
1990	Dhr. J. Lukasik	vanwaege inzameling van kleiding voor Polen
1991	Dhr. J. Langeslag	vanwaege ut vuuële vrijwilligerswerk binne de perochie
1994	Dhr. J. Quadvlieg	vanwaege ziene inzet as dirigent van ut H. Hartkoeër
1995	Dhr. J. Biesmans	vanwaege zien inzet as bestuurslid beej Fortissimo
1996	Stichting De Windmeule	vanwaege de verdeenste veur de gemeinschap
1997	Zuster Rosanette	vanwaege verdeenste veur Stichting Emmaus
1998	Dhr. Mensink	vanwaege verdeenste binne de perochie en ut
		Aldere Platvorm
1999	Jeugd- en Jongerenkoor H. Hart	vanwaege eur verdeenste binne de perochie
2000	Dhr. G. van Beek	vanwaege zien verdeenste as prissentator Festinament,
		prissentator Roeëje Kruutszitting en vreejwillige
		optraejes tiedes zittingen
2001	Scouting Baden Powell	vanwaege de verdeenste veur de jeug in de perochie
2002	Dhr. H. en mevr. M. van de Ham	vanwaege vreewillig optraeje tiedes de Vastelaovend;
		binne en boète de perochie
2005	Showorkest Fortissimo	vanwaege eur 50 jäörig bestaon en eur verdeenste
		veur de Venlose gemeinschap
2007	Dhr. Frans v.d. Bercken	Vanwaege zien verdeenste veur ut "Gambia projek"
		mit gehendikepte Gambiaanse jóngere

2009	Pater Henry Peeters	Vanwaege zien verdeenst beej ut missie werk in west-
		Kameroen
2010	Sticht. Zonnebloem Venlo	Vanwaege eur werk veur de medemins
	Noord