Weej Törvers werke neet mit eine vaste Raod van Elf zoeëas vuuël andere vastelaovesvereiniginge. Nae, ózze Raod van ELf is beej iddere aktiviteit anders. Ut zien iddere kièr andere minse.

Um dae voltallige Raod te hebbe, geit iddere Törver gemiddeld mei nao 7 zustervereiniginge! Weej zien d’r gruuëts op det weej veur ós Trio altièd eine voltallige Raod hebbe. Meistal zien weej mit mièr. Steeds mièr Törvers, ouk as zeej zelf neet in de Raod zitte, trekke same mit eur vruikes mei nao de zustervereiniginge. En det kinne d’r vuuël zien!

In 2003 zien weej beej de Moeraskwakers de buun op gegaon mit twieë volledige groepe: twieë Raode van Elf, twieë Sirremoniemeisters en  twieë Chefs de Protocol. Ouk ein extra reserve-Trio van Ald Prinse ontbrook neet. Allein veur Vors Törvius hebbe weej dae kièr genne reserve ingezatte. Dae moch zelf aan ’t waord bliève!

Mit vrintelikke groete,

Geert Meerts

Regelateur Raod van Elf

Geert Meerts