Weej, VG De Törvers, zien al bekans 3x11 jaor aktief in dees Venlose wièk (ofwaal de Heilig Hartperochie). Jaorliks organisere weej diverse vastelaoves zittinge die door hièl waat minse van binne en boète dees wièk bezóch waere. Iets waat weej harstikke fijn vinde !

Al dees aktiviteite koste netuurlijk geld, vueël geld. Ós innigste inkómstebron is ut ald pepeer det weej iddere maond trouw ophaole in de wièk. Um ós vastelaovesaktiviteite veurt te kinne zette, hebbe weej óg steun hard nuuëdig ! Daorum nuuëdige weej óg oèt um Vrind(in) van de Törvers te waere.

As vrind(in) kint geej kaarte reservere veur de zittinge van VG De Törvers. Zoeë ziet geej verzekerd van kaarte en hoof ge neet in de rie te staon um kaarte te koupe.

Geej kint Vrind(in) waere door minimaal € 11,11 euver te make op bankraekeningnummer 86.64.05.453  ten name van Vrinde van de Törvers. Wilt geej óg adres in de umschriéving vermelde, anders kinne weej óg neet op de huuëgte halde van ós aktiviteite.

Geej kint ouk dit formulier invölle, weej neme dan kantak met óg op.

Mit óg beejdrage haope weej ut vastelaovensgebeure in ós wièk / perochie bleujend te halde.

Doot mei, en waer Vrind(in) van de Törvers.

Op veurhand ózze hertelikke dank !