Page 19 - Programma_Bukske_Zitting_2026
P. 19
2. Gaef gaas!
Zang: Dion Jeucken / Duncan Nikkelen / Jason Hafmans / Niels Vestjens /
Thuur Zumdick / Willem Koopmans Wäörd: Mirthe van Dijk Meziék: Hay Geritz
De fiets dae ging kepot en eine fatbike woort gekoch,
dus goof ik volop gaas (gaef gaas).
Noow waer ik door de Prins en door de ganse stad gezoch,
wie snel ik toen weg waas.
Maar wao ik ouk gaon of wao ik staon:
Kóm, weej gaon same knalle, laot d’n beat maar valle.
Weej gaeve volop gaas, want vandaag zien weej d’n baas.
Stroum d’r op en gaon vlamme.
Kóm, weej gaon same knalle, laot d’n beat maar valle.
Weej gaeve volop gaas, want vandaag zien weej d’n baas.
Stroum d’r op en gaon vlamme.
De kilomaeterteller stond nog langk neet op de helf,
dus goof ik volop gaas (gaef gaas).
Noow sjees ik langs d’n optoch en rie elfhónderd-elf,
de bón die veur mich waas.
Maar wao ik ouk gaon of wao ik staon:
Zelfs nao einen aovend stappe waas de batterie nog vol,
dus goof ik volop gaas (gaef gaas).
En wie ik gaer woel stoppe, sloog det dink totaal op hol,
zoeëmaar in de Maas.
Maar wao ik ouk gaon of wao ik staon:
Brök
Kóm, weej gaon same knalle, dus laot d’n beat noow maar valle.
Weej gaeve volop gaas, want weej zien heej d’n baas.
Stroum d’r op en gaon vlamme:
Kóm, weej gaon same knalle, laot d’n beat maar valle.
Weej gaeve volop gaas, want vandaag zien weej d’n baas.
Stroum d’r op en gaon, gaas d’r op en gaon, vlam d’r op en gaon knalle.
Gaef gaas!
