Page 27 - Programma_Bukske_Zitting_2026
P. 27
4. Pierewaaje
Zang: Baer Hendrix / Lei in ’t Zandt / Ron Deenen
Wäörd: Wim Roeffen
Meziék: Wim Roeffen
Idder jaor met vastelaovend is ’t weer zoeë wied,
dan meuge weej weer dreej daag langk op paad.
Vergaete alle sores en de gansen driet,
want dao is genne mins toch beej gebaat.
Nae weej zien gaar neet van die saaie,
weej gaon vuuel lever pierewaaje:
Refrein
Weej doon niks lever, dan pierewaaje,
det is waat weej ’t leefste doon.
De ganse stad door, en ós begaje,
weej loupe ós, de zaole van de schoon.
Maar det mak niks oet, weej hadde zoeë gedóch,
zónder zaole kriege ós tieëne weer waat lóch.
Weej doon niks lever dan pierewaaje,
det is waat weej ’t aller-allerleefste doon.
(En as ’t mót met zónder zaole, ónder de schoon)
Ein van ós, geej geluif ‘t neet, dae leep al op zien zök,
dan weit geej waal wie laat of det ’t is.
Det zoog neet oet, det zuus se ouk neet al te dök,
allein as diene zaol verslete is.
Toch hoofde weej um neet te paaje,
um met ós mei te pierewaaje:
Brök
As weej dan ónderwaeg zien, zoeë lekker aan de zwier,
dan geit det noeëts vervaele, det smak allein nao mier,
nao hiel vuuel mier:
