Met ein waanzinnig prieze pakket
De groeëte Törvers loeëterie is ein van ós meugelikhede um pieke beejein te kriege veur de vastelaovesactiviteite in de H.Hartparochie. De loeëterie kemissie verzörg de organisasie heejvan.
Veur de zomer wuurt de vergunning aanvraog en ‘t drökke van de loeëte geregeld. Aansloetend waere spónsors veur de prieze benaderd. ‘t Lök idder jaor weer um leuke prieze beejein te kriege.
In ‘t naojaor start de verkoup. Iddere Törver krieg ein bukske van 50 loeëte die hae vanaaf de elfde van de elfde in zien bekinde kringk geit verkoupe. In t nieje jaor bringe weej de loeëterie onder óg aandach op ós site en op de sociale media. Dan kinne ouk loeëte gekoch waere via loeeterie@detorvers.nl.
Ein waekind meuge weej loeëte verkoupe beej Jumbo Benders. Ós nieje dreejspan en vors Törvius zien dao ein eurke beej aanwezig.
De trekking wuurt idder jaor tiedes de BBB, de Benders Biezóndere Bóetezitting, verricht door Rivierdael notarissen.
De pries winnaers kinne zich per mail melde via loeeterie@detorvers.nl. Eure pries wuurt eur dan thoes gebrach en geruild taege ‘t winnend lot.
De houfprieze waere inkele waeke later door de spónsors persuuenlik oetgedeild beej Jumbo Benders.
