Mien ierste jaor as Vors
Ha leef Törfkes, jeugd-Vors Törvius heej. Ik bin noow al 1 jaor Vors van de Törfkes. Maar in 't aafgeloupe jaor hebbe weej helaas door Corona nog genne Vastelaovend kinne viere. Ik heb waal al ein paar leuke aktiviteite gehad. Zoeë hebbe weej same de speklaasaktie veurig jaor November gehad.
Ik heb de prieze meuge oetreike aan de winnaers van de groeëte-clubactie.
In 2021 ging de Vastelaovend helaas neet door, dit zoel mien iërste jaor zien gewaes.Weej hebbe toen in plaats van Vastelaovend viere eine leuke Vastelaoves Bingo georganiseerd dae ik moch prissentere, hiel erg kwant waas det. In maart 2021 zien weej ouk nog längs de deure gegaon in os HeiligHart perochie um te kollectere veur Jantje Beton dit vónd ik ouk erg leuk. Weej hebbe ouk nog eine leuke middaag gehad met de jeug, toen zien weej op de fiets nao 't Jocusmuseum gewaes veur ein róndleiding. En daonao hebbe weej eine lekkere bbq gehad beej 't scouting gebouw.
En ein paar waeke geleje mochte weej as Törfkes Jeug dan veur 't iërs op't podium staon met de Vorstewissel van Stephan en Rob. Toen heb ik ouk nog kort ein wäördje gerich aan ózze nieje Vors Törvius, en heej heb ik toch ouk waal schoeën kómplimente euver gekrege.
Noow zien weej alweer inkele waeke bezig met de veurbereidinge veur 't nieje Vastelaovesseizoen. En haopelik geit 't kommend jaor waal allemaol door (doeme allemaolü!) Heej gaon ik neteurlik nog neet te vuul euver verteile, det heit de spanning d'r good in! Ik heb d'r in idder geval kei vuul zin in, ik haop geej ouk allemaol.
As letste wil ik ouk nog efkes de minse die al hiel vuuel tied gestaoke hebbe in ós jeugaafdeiling vanaaf heej names alle jeugleje bedanke heej veur!
Top! zónder óg koste weej dees tóffe evenemente en aktiviteite ouk neet doon.
Groetjes Jeug-Vors Törvius Lieke.
