Kersbuim Kemissie - De piek is d'r vanaaf

Alle aktiviteite die weej as VG de Törvers organisere koste vuuel geld. Um al dit geld beej mekaar te kriege haole weej al jaore ald pepeer op in ós perochie. In 2013 haet de Gemeinte ós gevraog of weej meschiens in ós perochie kersbuim woele gaon ophaole um zoeë ouk nog eine gas pieke te verdene veur ós vereiniging.

‘t Ierste jaor hebbe weej kersbuim opgehaold in de H.Hartperochie en krege weej veur idderen boum dae weej ophaolde ein vas bedraag. ‘t Jaor daonao haet de gemeinte gans Venlo opgedeild in wieke en vanaaf det jaor haole weej buim op in ‘t postcodegebied det weej door de gemeinte toegeweze kriege. Weej kriege neet mier per boum betaald, maar per wiek.

Op d'n ierste zaoterdaag nao dreej Keuninge (begin jannewari) gaon weej met ein 20-tal Törvers op paad um de ganse wiek kersboumvreej te maken. De zaoterdaag begint met ein korte briefing beej de veurzitter thoes en daonao gaon weej met vief auto’s met aanhengers op paad. Alle buim die aan de waeg ligge haole weej op en bringe we nao ‘t verzameldepot van de gemeinte. D’r zien zelfs ein aantal blage van Törvers die ‘t geweldig vinde um ós dezen daag te helpe.

Nao ein paar eurkes flink doorpeze zien we klaor en sloete weej dezen daag aaf met ein lekkere tas Törverssoep.

‘t Is ein gezellige aktiviteit die óndertösse ouk nog ens wat pieke oplevert veur os vereiniging.

Veurzitter Kersbuim Kemissie