22 januari 1973 – 9 augustus 2025

Paul waas eine man met eine ruwe bolster en ein blanke pit.

Wae um kós, wis det achter zien stevige oetstraoling ein werm, oprech en loyaal hert zoot.

Binne de Törvers waas Paul neet weg te dinke. As ózze eige hoes-DJ, SleezieWeezie, zörgde hae veur de juuste sfeer, leech en meziek. Hae waas actief in de Technische Kemissie en de P&P kemissie wao zien creatieve ideeje altied veur extra kleur zörgde.

In de bar kemissie stónd hae bekind um zien gezelligheid, waobeej 't gen oetzóndering waas det hae nao ein vergadering ouk de letste waas dae de deur achter zich sloot.

Paul waas mier as allein eine vereinigingsman. Hae was eine gruuëtse pap van Ziva Jane en Jaxson, partner van Brigitte, eine trouwe vrind en gewaardeerd ald-adjudant van 2016.

Zien humor, zienen inzet en zien wermte zulle weej misse, maar de herinneringe aan Paul blieve ós altied beej.

Eine man dae laefde met volle teuge, altied klaor stónd veur ein ander en dae wis wie belangriek 't waas om te genete van de momente same.

Rös zaach, Paul,