Medalie Kemissie - Waat zuut e d'r weer good oet.
Idder jaor is me beej De Törvers al vruug in ‘t jaor aan ‘t spoenze of de niej medalies al klaor zien. Niej medalies die óntworpe waere door eine kunstenaer en daonao gemak waere door eine vakman. Mit vuuel persiesie, gedöld en vakmanschap kómme de medaljes tot laeve. Juus wie eine juweleer det duit wuurt d’r ein schoeën kreasie van gemak.
‘t Schoeëne is dan ouk det die prach medalies eur eige laeve gaon leie. Minse veule zich gepaerdskeuteld en zeej zien gruuets um dees medalie te meuge drage. ‘t Mak waat los beej vuuel minse. Zelfs ein draosbóks, eine zaodzak of ein hötje louk verandert door die medalie in ein gruuets persoeën. Nao de vastelaovend kriege de medaljes dök ein schoeën plaetske in hoes. Det zaet genóg euver de kwaliteit van de Törversmedalie.
Nao dit ganse verhaol snap geej waal det de Prins van VG De Törvers idder jaor weer hiel gruuets is as hae dees medalje oet meug reike as herinnering aan zien Prins zien.
Heejónder kint geej de historie van ós medalies bekieke
